A Radio For

Get Domain Offer

ஈழத்து சிறுவர்களின் “சாலைப் பூக்கள்” திரைக்காவியம் நாளை(18) திரையில்

யுத்தத்தில் நேரடியான பாதிப்புக்களை எதிர்கொண்ட ஈழத்து சிறுவர்கள் அதன் பின்னரான தற்கால சூழலில் எதிர்கொள்ளும் பிரச்சனைகளை மையப்படுத்தி தயாரிக்கப்பட்ட “சாலைப்பூக்கள்” என்ற திரைப்படம் யாழ்ப்பாணம் – ராஜா திரையரங்கில் காட்சிப்படுத்தப்படவுள்ளது.
எதிர்வரும் 18 ஆம் திகதி காலை முதல் திரைப்படத்தின் காட்சிகள் காண்பிக்கப்படவுள்ளதாக அந்த படத்தின் இயக்குனரும், தென்னிந்திய திரைப்படங்களின் நடிகருமான சுதர்சன் ரட்ணம் தெரிவித்துள்ளார்.
யாழ். ஊடக அமையத்தில் இன்று (16) நடைபெற்ற செய்தியாளர் சந்திப்பில் கலந்து கொண்டு கருத்து வெளியிடும் போதே அவர் இதனைத் தெரிவித்தார்.
இந்த விடயம் தொடர்பில் அவர் மேலும் தெரிவிக்கையில்:-
இலங்கையில் மிக நீண்ட காலமாக நடைபெற்று வந்த யுத்தம் பெரும் பாதிப்புக்களை ஏற்படுத்தியுள்ளது.
குறிப்பாக சிறுவர்கள் மத்தியில் யுத்தம் மாபெரும் தாக்கத்தை ஏற்படுத்தியுள்ளது.
இந்த நிலையில் முதன் முறையாக யுத்தத்தினால் நேரடியான பாதிப்புக்களை எதிர்கொண்ட சிறுவர்களை மையப்படுத்திய முழு நீள படம் ஒன்று உருவாக்கப்பட்டுள்ளது.
இப்படத்திற்கான கதையின் கருவாக்கம் முருகண்டி பிள்ளையார் ஆலயத்தில் கச்சான் விற்கும் சிறுவன் ஒருவன் 10 நிமிடத்தில் தொடர்ச்சியாக எதிர் கொண்ட 3 பிரச்சினைகளை மையப்படுத்தி, கற்பனைகளையும் புகுத்தி திரைப்படம் உருவாக்கப்பட்டுள்ளது.
இப் படத்திற்கு யாழ்ப்பாணம், கிளிநொச்சி மாவட்டங்களில் மூன்று மாத கால படப்பிடிப்பு நடைபெற்றது.
முற்றுமுழுதாக ஈழத்து கலைஞர்களின் உழைப்பில் உருவாகியது. 30 பேரின் உழைப்பில் சுமார் 8 இலட்ச ரூபாய் செலவில் இந்த திரைப்படம் முழுமைபெற்றுள்ளது.
இப் படத்தின் இசையமைப்பாளராக வளர்ந்துவரும் ஸ்ரீ.நிர்மலன் பணியாற்றியுள்ளார்.  
                                                                                             Source: TamilNews

No comments:

Post a Comment

எங்கள் அபிமான நேயர்களே: யாழ்ப்பாணம் FM|(Yazhpanam,Jaffnaradio.com) இணையதளம் 24 மணி நேர கடுமையான உழைப்பில்,சிந்தனையில் செயல்பட்டுக்கொண்டு இருக்கிறது.இவ் இணையதளத்தின் வளர்ச்சியும்,வருமானமும் அதற்கு வரக்கூடிய விளம்பர வருமானத்தை அடிப்படையாகக் கொண்டே அமைந்திருக்கிறது.. இந்த நிலையில் வாசகர்கள் யாரும் ஆட்பிளாக்கர்(AdsBlocker) உபயோகிக்கவேண்டாம் என்று அன்புடன் கேட்டுக்கொள்கிறோம்.நீங்கள் இணையதளம் பார்க்கும் போது இடையூறாக வரக்கூடிய விளம்பரங்களை தயவுசெய்து X(Close) செய்து கொள்ளுங்கள் கேட்டுக்கொள்கிறோம். நன்றி யாழ்ப்பாணம்.கொம்

Our Radio App

Our Apps

Jaffnaradio.comJaffnaradio.com

Yazhpanam FM App








Pages